Энэ үеэр Монгол Улсын хамгийн хойд захын цэг болох Монгол шарын даваанд байрлах улсын хилийн 350 дугаар тэмдгийг шинэчлэн суурилуулав.

Монгол-Оросын 3,543 км хилийг 1987-2001 оны хооронд анх удаа хамтран шалгаж, УИХ-аар 2002 онд соёрхон баталгаажуулсан юм.

Ерөнхийлөгч У.Хүрэлсүх 2021 онд ОХУ-д төрийн айлчлал хийх үеэрээ Ерөнхийлөгч В.В.Путинтэй Монгол-Оросын хилийг хоёр дахь удаагаа хамтран шалгаж, НҮБ-д бүртгүүлэхээр тохиролцсон. Энэхүү шийдвэрийн дагуу талуудын Засгийн газар Монгол-Оросын улсын хилийг хамтран шалгах комиссыг 2021 онд байгуулан, хилийн төхөөрөмжийн ажлын хүрээнд хилийн тэмдгийг шинэчлэх, хилийн шугам дайран гарсан гол, нуурын голдирол, эргийн өөрчлөлтийг шалгах, шинээр үүссэн болон алга болсон арлын харьяаллыг тогтоох, ой огтолсон зурвасыг сэргээх, хилийн шугамын явалтыг тодотгох зэрэг ажлыг хамтран гүйцэтгэж байна.

Тухайлбал комиссын анхдугаар хуралдаанаар улсын хилийн 1620 тэмдгийг шинэчлэн босгохоор тохиролцсон.

Өнөөдрийн байдлаар хилийн төхөөрөмжийн ажлын явц 85 хувьтай байна.

Ерөнхийлөгч У.Хүрэлсүх энэ үеэр Монгол-Оросын хилийг шинэчлэн баталгаажуулах ажил нь олон улсын эрх зүйн хэмжээнд хүлээн зөвшөөрөгдсөн, маргаангүй улсын хилтэй болох түүхэн чухал бодлого, арга хэмжээ гэдгийг онцлов. Мөн хоёр улсын Иж бүрэн стратегийн түншлэл, харилцан итгэлцэл, найрсаг хөршийн харилцааг улам бэхжүүлэхэд онцгой ач холбогдолтой болохыг тэмдэглэлээ.

Байгаль, цаг уурын хүндрэлтэй нөхцөлд хилийн төхөөрөмжийн ажлыг гүйцэтгэж буй комиссын бүрэлдэхүүн, холбогдох мэргэжилтнүүд, хилчин дайчдад талархал илэрхийлж, амжилт хүссэн гэж Ерөнхийлөгчийн Тамгын Газраас мэдээлэв.

Зурхай2026/07/30Доллар (USD)3,590.58Улаанбаатар+9°C

•  
• Улс төр
• Эдийн засаг
• Нийгэм
• Дэлхий
• Спорт
• Энтертайнмент
• Шар мэдээ
• Видео

• News Brand
• Булангууд
• Цогц Мэдээ
• Архив
• Монгол бичиг
• English

Ч.Өнөрбаяр: Хариуцлага тооцох ёстой хүмүүс нь Засгийн газарт байна

ХуваалцахЖиргэх

А. Тамир

• Улс төр
  • Мэдээ

2 минутын өмнө

Ардчилсан намын 4:11 мэдээллийн цагаар Монгол Улсын эдийн засгийн нөхцөл байдал, шатахууны хангамжтай холбоотой асуудал, мөн орон нутагт үүсээд буй зарим асуудлын талаар өнөөдөр (2026.07.30) мэдээлэл хийлээ.

АН-ын дэд дарга Ч.Өнөрбаяр:

–Эрх баригч намын хүн нь солигдож байгаа ч арга барил нь огт өөрчлөгдөхгүй байна. Үргэлж ардчилсан сонголт, иргэдийн сонгуулийн үр дүнг хуулийн арга ашиглан хулгайлдаг үйлдэл цааш үргэлжлэхээр байна. Тодруулбал, өчигдөр /2026.07.29/ Ерөнхий сайдын захирамжаар Баян-Өлгий аймгийн Засаг даргыг хуулийн үндэслэлгүйгээр үүрэгт ажлаас нь чөлөөлсөн. Уг асуудлын хүрээнд Ардчилсан нам хуульчидтай нэгдэж шүүхэд хандахаар болсон. Шүүх эх баригч намын хуулийн хэлтэс, газар болоогүй гэдэгт итгэлтэй байна.

Улс төрийн салбарт хуулийн хулгай хийдэг, хулгайн ан хийдгээ эх баригч нам болих хэрэгтэй. Сөрөг хүчнээ хүчгүй болохын тулд буруу арга барилаар ан хийдэг үйлдлээ зогсоох хэрэгтэй.

Жинхэнэ хариуцлага тооцох ёстой хүмүүс нь Засгийн газар дотор бий. Иргэдэд худал мэдээлэл өгч байгаа сайд, дарга нар Засгийн газарт сууж байна. Шатахууны үнэ нэмэгдэхгүй гэсэн ч нэмэгдлээ.

Шатахууны нөөц олон хоног байгаа гэсэн ч хүрэлцэхээргүй байна. Мэдэгдсэн мэдээлэл бүр нь худал байна. Сүүлдээ сайдууд нь өөрсдөө иргэд олон нийттэй нүүр тулахаас айж агентлагийн дарга нараа өмнөө барьж эхэлсэн. Энэ хүмүүст хэзээ бүрэн хариуцлага тооцох юм.

Засгийн газрын хуралдаанаар шийдвэрлэх асуудал олон бий. Ялангуяа, эдийн засгийн нөхцөл байдал, өвөлжилтийн хүндрэл, бэлтгэл ажлыг хэрхэн хангахаас гадна өмнө дурдаж байсан авлига, хулгайн хэрэгтэй хэрхэн тэмцэх юм. Энэ бүх амлалт өнөөдөр хаана, яаж хэрэгжив. Энэ бүх асуудалд хариуцлага тооцох ёстой байхад сөрөг хүчнийг улс төрийн зорилгоор намнадаг үйлдэл нь буруу юм. Ардчилсан нам энэ дээр зүгээр өнгөрөхгүй бөгөөд Ерөнхий сайдын захирамжийг хүчингүй болгуулахын тулд шүүхэд хандана.

Та бүхэн дараагийн Ерөнхийлөгчийн сонгуулийн ажилд хэт эрт ороод хэлжээ. Угтаа Монгол Улс сонгуулиас сонгуулийн хооронд бус иргэдийн асуудлаас асуудлын хооронд шийдвэрлэх ёстой. Гэвч уг бодлого дутагдаж байна. Бодлого ярьсан ч арга барил нь захиргааны аргыг ашиглаж байна. Аль нэг дарга том дуугарахаар асуудал бүрэн шийдэгдэх юм шиг санаж байна. Үүнээс харахад дарга том дуугарахад эдийн засаг сайжрахгүй, үнэ буурахгүй. Харин эсрэгээрээ парламентад суудалтай намуудтай хамтарч Монгол Улсын хувьтай холбоотой асуудлын хүрээнд хамтарч ажиллах ёстой.

Аливаа зүйлд хүч хэрэглэж байгаа үйлдэл та бүхний толгой дээр хүндээр буух болно. Та бүхэн ирэх жилийн сонгуульд ялалт байгуулна гэж том эндүүрч байна. Иргэд буруу зөвийг ялгаж байгаа шүү.

УИХ-ын гишүүн С.Одонтуяа:

-Баян-Өлгий аймгийн Засаг дарга Е.Зангарыг үүрэгт ажлаас нь чөлөөлсөн шийдвэр гарчээ. Ардчилсан нам уг асуудлыг эсэргүүцэж байна. МАН-ынхан та бүхэнд эрх мэдэл багадаагүй. Өнөөдрийн байдлаар 21 аймаг, 9 дүүргийг МАН засаглаж байгаа. Цөөн хэдэн газар Ардчилсан нам засаглаж байхад оролдож огцруулахаас гадна ажил хийх боломжгүй болгож байгааг эсэргүүцэж байна. Эрх мэдэлд хэт их шунахаар ямар болдогыг та бүхэн мэднэ. Ардчилсан намыг басах хэрэггүй. Баян-Өлгийн аймгийн Засаг дарга шүлхий дээр сайн ажилласан. Засаг даргад ямар нэгэн хариуцлагын асуудал үүсээгүй. Харин Тамгын газрын дарга нь бүтэц орон тооны асуудал, захиргааны асуудалд алдаа гаргахад Засаг даргыг нь чөлөөлнө гэдэг байж болохгүй асуудал. Мөн Тамгын газрын дарга нь алдаа гаргахад Эрүүгийн хариуцлага хүлээлгэ гэж улаарч байна. Энэ бол улс төрийн захилгат хэрэг юм.

УИХ-ын гишүүн Д.Энхтуяа:

-Дундговь аймгийн Засаг дарга болон удирдлагууд орон нутгийн төсвийг захиран зарцуулахдаа хулгай хийсэн нь батлагдсан. Тодруулбал, Дундговь аймгийн хувьд жилийн төсөв 90 тэрбум төгрөгөөс 40 тэрбум төгрөгт төсвийн хулгай орсон талаар аудитын дүгнэлт гарсан. Тиймээс уг асуудлыг хамгийн түрүүнд шалгах ёстой байтал ажил үүргээ сайн гүйцэтгэсэн Баян-Өлгий аймгийн Засаг даргыг огцрууллаа. Ерөнхий сайдад мэдээлэл өгч байгаа хүмүүс нь ямар хүмүүс байгаа юм. Дундговь аймгийн Засаг даргын асуудлыг Ардчилсан нам шалгах болно.

Үүнээс гадна Дундговь аймагт хог шатаах үйлдвэр барихаар болсон. Энэ хүрээнд аудитын дүгнэлт гарсан. Тухайлбал, тендерийг хугацаандаа зарлаагүй буюу долдугаар сарын сүүлээр өөрийн хамаарал бүхий хуулийн этгээдийг шалгаруулсан. Мөн байгаль орчинд хор хөнөөлтэй гэдэг дүгнэлтийг мэргэжлийн байгууллагаас гаргасан байдаг.

Мөн ашиг хонжоо хайсан гадаад, дотоодын этгээдүүд зохион байгуулалтайгаар худал мэдээлэл түгээж иргэдийг талцуулж, үндэсний эв нэгдлийг сарниулж, бусниулж, улс орны тогтовортой байдлыг ганхуулж байна. Тиймээс тэдгээр этгээдийг илрүүлэн ажиллаж байгааг сануулъя.

Эрчүүд нь анхиа, арчаагүй, эмэгтэйчүүд нь ёс суртахуунгүй, бизнес эрхлэгч бүгд луйварчид улстөрчид хулгайчид, хүүхэд залуус нь яахаа алдсан мэт нийтээр нь харлуулсан гадаад, дотоодын бүлэглэлүүд төлбөртэйгөөр үйл ажиллагаа явуулж байна. Тагнуул, хууль сахиулах байгууллагууд хаанаас, ямар шугамаар төлбөр авч гүтгэл явуулж буй шалтгаан, нөхцөлийг тогтоохоор шалгаж байгаа. Тролл хаягуудтай тэмцэх ажил эрчимжсэн.

Хүүхэд багачуудыг фэйсбүүк, группт татан оролцуулах замаар хандалт олж авч эрхэнд нь ноцтой халдаж, үүнийг дагасан гэмт хэргүүд хил хзягааргүй гарч байна.  

Бүх шатны сургуулиудад, сургалтын байгууллагад фэйсбүүкээр ангийн групп чат нээсэн, үүгээр даалгавраа өгдөг болсон. Энэ асуудлыг таслан зогсоож хаана. Фэйсбүүкийг хичээлд ашигладаг биш, сургалтын тусгай сүлжээгээр боловсролын үйл ажиллагааг явуулдаг болно. Үгүй бол фэйсбүүкээр групп нээдэг, даалгавраа хийх нэрээр бүгд фэйсбүүк ордог, ингээд залилан, гэмт хэргийн хохирогч болж байна” гэлээ.

Тодруулбал, энэ оны долдугаар сарын 18-ны өдрийн 17:35 цагийн орчимд Төв аймгийн нутаг дэвсгэрт 41 настай эмэгтэй Х нь архи, согтууруулах ундаа хэтрүүлэн хэрэглэсэн буюу 4.08 хувийн согтолттой үедээ “Toyota Prius” маркийн автомашин жолоодон замын хөдөлгөөнд оролцож байсныг цагдаагийн алба хаагчид илрүүлэн таслан зогсоосон байна.

Холбогдох хууль тогтоомжид зааснаар, Зөрчлийн тухай хуулийн 14.7 дугаар зүйлийн 5.1-т согтуурсан үедээ тээврийн хэрэгсэл жолоодсон этгээдийн жолоодох эрхийг нэг жилийн хугацаагаар хасаж, 400 нэгжтэй тэнцэх хэмжээний төгрөгөөр торгох, эсвэл 7-30 хоногийн хугацаагаар баривчлахаар заасан байдаг.

Харин согтуугаар жолоо барьсны улмаас гэмт хэрэг үйлдсэн тохиолдолд Эрүүгийн хуулийн 27.10 дугаар зүйлд заасны дагуу жолоодох эрхийг 3-5 жилээр хасаж, 1-3 жил хүртэлх хугацаагаар зорчих эрхийг хязгаарлах, эсвэл мөн хугацаагаар хорих ял оногдуулах зохицуулалттай.

Цагдаагийн байгууллагаас архи, согтууруулах ундаа хэрэглэсэн үедээ тээврийн хэрэгсэл жолоодохгүй байхыг иргэдэд анхааруулж, ийм үйлдэл нь өөрийн болон бусдын амь нас, эрүүл мэнд, эд хөрөнгөд нөхөж баршгүй хохирол учруулах эрсдэлтэйг сэрэмжлүүллээ.

Монгол Улсын Ерөнхийлөгч Ухнаагийн Хүрэлсүх, Бүгд Найрамдах Тажикистан Улсын Ерөнхийлөгч Эмомали Рахмон нар албан ёсны хэлэлцээ хийлээ.

Хоёр улсын төрийн тэргүүн уламжлалт найрсаг харилцаа, хамтын ажиллагааны өнгөрсөн 30 гаруй жилийн ололт амжилтыг дүгнэн, хэтийн төлөв, бүс нутаг болон олон улсын харилцааны харилцан сонирхсон асуудлаар санал солилцлоо.

Ерөнхийлөгч У.Хүрэлсүх, хоёр улсын төрийн тэргүүн нэг жилийн хугацаанд харилцан төрийн айлчлал хийж буй нь харилцаа, хамтын ажиллагааг улам бүр өргөжүүлэн хөгжүүлэхийн төлөөх хүсэл эрмэлзлийн тод илэрхийлэл гэдгийг тэмдэглэлээ.

Ерөнхийлөгч Э.Рахмоны 2009 онд Монгол Улсад хийсэн төрийн айлчлал нь хоёр орны ард түмний найрамдал, нөхөрлөлийг бэхжүүлэх, харилцаа, хамтын ажиллагааг идэвхжүүлэхэд чухал хувь нэмэр оруулсныг онцоллоо.

Ерөнхийлөгч Э.Рахмон халуун дотноор хүлээн авч буй Монголын төр, засаг, ард түмэнд талархал илэрхийлж, энэ удаагийн айлчлал хоёр улсын улс төрийн итгэлцлийг бэхжүүлж, бодит хамтын ажиллагааг өргөжүүлэхэд чухал түлхэц болно гэдэгт итгэлтэй буйгаа тэмдэглэв.

Мөн дипломат харилцаа тогтоосноос хойш хамтын ажиллагаа тогтвортой хөгжиж ирснийг өндөр үнэлж, цаашид харилцааг шинэ агуулгаар баяжуулан, эдийн засгийн хамтын ажиллагааг эрчимжүүлэх эрмэлзэлтэй буйгаа илэрхийллээ.

Ерөнхийлөгч У.Хүрэлсүх, Монгол Улс нь Төв Азийн орнуудтай, тэр дундаа Бүгд Найрамдах Тажикистан Улстай хөгжүүлж буй харилцаа, хамтын ажиллагаанд өндөр ач холбогдол өгдгийг тэмдэглэлээ.

Энэ удаагийн айлчлалаар худалдаа, эдийн засаг, боловсрол, залуучуд, спорт, геологи, ашигт малтмал, байгаль орчин, аж үйлдвэр зэрэг салбар, чиглэлээр  Засгийн газар болон байгууллага хоорондын 11 баримт бичигт гарын үсэг зурж буйг сайшаан тэмдэглэлээ.

Хэлэлцээний үеэр Монгол Улсын “Алсын хараа-2050” урт хугацааны хөгжлийн бодлогыг Тажикистан Улсын “2030 он хүртэлх Үндэсний хөгжлийн стратеги”-тай уялдуулан, худалдаа, эдийн засаг, хөдөө аж ахуй, эрчим хүч, зам, тээвэр, логистик, байгаль орчин, боловсрол, соёл, аялал жуулчлал зэрэг салбарт хамтарсан төсөл, хөтөлбөр хэрэгжүүлэх боломжтой гэдэгт санал нэгдэв.

Ерөнхийлөгч У.Хүрэлсүх, Тажикистан Улс сэргээгдэх эрчим хүч, тэр дундаа усны эрчим хүчний салбарт Төв Азийн бүс нутагт тэргүүлэх байр суурь эзэлдгийг онцолж, энэ чиглэлээр боловсон хүчин бэлтгэх, туршлага солилцох зэргээр хамтран ажиллах боломжтойг тэмдэглэлээ.

Ногоон шилжилтийг дэмжих, уур амьсгалын өөрчлөлттэй тэмцэх, эрчим хүчний интеграцчлалийг бэхжүүлэх чиглэлээр урт хугацааны хамтын ажиллагааг хөгжүүлэхээр тохиролцлоо.

Зам, тээврийн салбарт тулгарч буй саад бэрхшээлийг арилгах, тээвэр, логистикийн дөт маршрут бий болгох боломж бүрдүүлэх чиглэлээр холбогдох яамд хамтран ажиллахаар боллоо.

Далайд гарцгүй хөгжиж буй орнуудын хувьд “Транзит Монгол” болон Тажикистаны “Транзит улс” стратегийг Төв Азийн бүс нутгийн эдийн засгийн хамтын ажиллагааны хөтөлбөртэй уялдуулж, эдийн засаг, худалдааны эргэлтийг нэмэгдүүлэх эрмэлзлээ харилцан илэрхийллээ.

Хөдөө аж ахуй, мал аж ахуй, тэр дундаа мал эмнэлгийн хамтын ажиллагааг идэвхжүүлж, салбарын эрх зүйн орчныг бүрдүүлэхээр тохирлоо.

Монголын ноос, ноолуурыг Тажикистаны хөвөн, нэхмэлийн үйлдвэрлэлтэй уялдуулан нэмүү өртөг шингэсэн хамтарсан бүтээгдэхүүн үйлдвэрлэх боломжтой гэдэгт санал нэгдэв.

Ерөнхийлөгч У.Хүрэлсүх, энэ оны 09 дүгээр сард Монгол Улсад зохион байгуулах “КАРЕК” хөтөлбөрийн Сайд нарын уулзалт нь бүс нутгийн хэмжээнд эдийн засгийн хамтын ажиллагааг гүнзгийрүүлэх, олон салбарыг хамарсан томоохон санаачилгуудын хэрэгжилтийг хангах суурь бүрдүүлэхэд ач холбогдолтойг онцолж, уг уулзалтад тажикистаны талыг өндөр түвшинд оролцохыг урилаа.

Айлчлалын хүрээнд Монгол, Тажикистаны Бизнес дугуй ширээний уулзалт зохион байгуулсан нь бизнес эрхлэгчдийн хэлхээ холбоог бэхжүүлэхэд ач холбогдолтой гэдэгт талууд санал нэгдлээ.

Монгол, Тажикистаны Бизнесийн зөвлөл байгуулж,  Монголын мах, ноос, ноолуур, арьс шир, Тажикистаны жимс, жимсгэнэ, нэхмэл эдлэлийг харилцан зах зээлдээ нийлүүлж эхлэхээр тохиролцлоо.

Төрийн тэргүүн нар Тажикистаны “Feel the friendship” брэндийг “Go Mongolia” брэндтэй уялдуулан аялал жуулчлалын салбарт хамтарсан төсөл, хөтөлбөр хэрэгжүүлэх, иргэдийн солилцоог дэмжих, биеийн тамир, соёл, урлаг, соёлын бүтээлч үйлдвэрлэлийн хамтын ажиллагааг хөгжүүлэхийн төлөө буйгаа нотоллоо.

Ерөнхийлөгч У.Хүрэлсүх, хоёр улсын Засгийн газрын тэтгэлэгт хөтөлбөрийн хүрээнд оюутан залуусыг харилцан сургах, нэн ялангуяа мал аж ахуй, усны эрчим хүч, усжуулалтын чиглэлээр нарийн мэргэжлийн боловсон хүчин бэлтгэхэд хамтран ажиллах санал дэвшүүлэв.

Талууд НҮБ болон бусад олон улсын байгууллагын хүрээнд хамтын ажиллагаагаа бэхжүүлж, дэлхийн энх тайван, аюулгүй байдлыг хангах, ялангуяа далайд гарцгүй хөгжиж буй орнуудын эрх ашгийг бүс нутаг болон олон улсын тавцанд хамгаалах чиглэлээр идэвхтэй хамтран ажиллахаар тохиролцлоо.

Тажикистан нь “Далайд гарцгүй хөгжиж буй орнуудын олон улсын судалгааны төв”-ийн гишүүнээр нэгдсэн анхны улсуудын нэг болсныг Ерөнхийлөгч У.Хүрэлсүх сайшаалаа.

Мөн Монгол Улсад ирэх сард зохион байгуулах НҮБ-ын Цөлжилттэй тэмцэх конвенцын Талуудын 17 дугаар бага хурал (COP17)-д тажикистаны талыг оролцохыг дахин урилаа.

Төрийн тэргүүн нар “Тэрбум мод”, “Хүнсний хангамж, аюулгүй байдал” болон Тажикистаны “Үндэсний ногоон хөгжлийн хөтөлбөр-2040”, “2030 он хүртэлх Хүнсний аюулгүй байдлыг хангах үндэсний хөтөлбөр” зэрэг үндэсний санаачилгуудыг уялдуулах нь тогтвортой хөгжилд чухал хувь нэмэр оруулна гэдэгт санал нэгдлээ.

Үндэсний их баяр наадмын бэлтгэл ажилд хяналт тавьж, хэд хэдэн зохицуулалт хийхээр болжээ.  

Тухайлбал, баяр наадмын нээлт, хаалтын ажиллагаа болон “Дээлтэй монгол”, “Улаанбаатарын үдэш” зэрэг гол үйл ажиллагааг Д.Сүхбаатар талбайн LED дэлгэцээр болон YouTube сувгаар олон нийтэд шууд дамжуулах аж. Ингэхдээ гадаадын үзэгчдэд зориулан YouTube сувгийн шууд дамжуулалтыг англи, орос, хятад, солонгос, япон хэлний орчуулгатайгаар хүргэх юм байна. Түүнчлэн орон нутаг болон нийслэлийн иргэдэд наадмын уур амьсгалыг тэгш хүргэх зорилгоор 21 аймаг, 9 дүүргийн төв талбайн LED дэлгэцээр наадмын нээлт, хаалтыг шууд үзүүлнэ.

Үүнээс гадна хөгжлийн бэрхшээлтэй иргэдийн тав тухыг хангах үүднээс “Төв цэнгэлдэх хүрээлэн” болон Д.Сүхбаатарын талбайд тусгайлан зассан талбай, хэсгийг бий болгож, шууд дамжуулалтыг дохионы хэлний хэлмэрчтэйгээр хүртээмжтэй хүргэхээр зохицуулсан байна.

2026 оны 7 дугаар сарын 1-ний байдлаар Монгол Улсад 418,732 гадаадын жуулчин ирээд байна.

Энэ нь 2025 оны мөн үеийнхээс 69,088 жуулчнаар буюу 19.8 хувиар өссөн үзүүлэлт юм.

Өмнөх оныхтой харьцуулбал:

2023 он-263,683

2024 он-295,535

2025 он-349,644

2026 он-418,732

2023 оны мөн үеийнхтэй харьцуулахад гадаадын жуулчид 155,049 буюу 58.8 хувиар өсжээ.

Зуны аяллын оргил үе, Үндэсний их баяр наадам эхэлж буйтай холбоотой Монгол Улсыг зорих жуулчдын урсгал цаашид нэмэгдэх төлөвтэй байгааг Аялал жуулчлалын мэргэжлийн холбоо мэдээлэв.

Аймгийн Мал эмнэлгийн газрын мэдээлснээр, 2026 оны долоодугаар сарын 1-ний өдрийн байдлаар шүлхий өвчний эсрэг яаралтай дархлаажуулалтад 1 сая гаруй толгой малыг хамруулжээ.

Тодруулбал, 93457 толгой үхэр, 917086 толгой бог малыг вакцинжуулснаар дархлаажуулалтын явц 74.6 хувьд хүрээд байна.

Одоогийн байдлаар Эрдэнэбүрэн, Үенч сум дархлаажуулалтаа бүрэн дуусгасан бол Булган, Алтай, Мөст, Цэцэг, Мөнххайрхан, Дуут, Ховд суманд дархлаажуулалтын ажил үргэлжилж байна. 

Улмаар экскаватор, Зил 131 загварын тээврийн хэрэгсэл, алт угаах төхөөрөмж, бусад техник хэрэгслийг битүүмжлэн мөрдөн шалгах ажиллагааг явуулж байгааг Экологийн Цагдаагийн Алба (ЭЦА)-наас мэдээллээ.

Эрүүгийн хуулийн тусгай ангийн 24.2 дугаар зүйл. Хууль бусаар ашигт малтмал хайх, ашиглах, олборлох

1.Тусгай зөвшөөрөлгүйгээр ашигт малтмалын эрэл хайгуул, олборлолт, боловсруулалт, ашиглалт явуулсан, эсхүл ашигт малтмал олборлохоос өөр зориулалтаар хууль бусаар газрын хэвлийд халдсан бол таван мянга дөрвөн зуун нэгжээс хорин долоон мянган нэгжтэй тэнцэх хэмжээний төгрөгөөр торгох, эсхүл нэг жилээс таван жил хүртэл хугацаагаар хорих ял шийтгэнэ.