Цаг уурын байгууллагаас ойрын өдрүүдэд дуу цахилгаантай аадар бороо орно гэж мэдээлсэн. Иймд болзошгүй үер, усны ослоос урьдчилан сэргийлж аюулгүй байдлаа хангахыг анхааруулав. 

Прокурорын байгууллага 2026 оны эхний зургаан сарын байдлаар мансууруулах эм, сэтгэцэд нөлөөт бодистой холбоотой 171 хүнд холбогдох 117 хэрэгт яллах дүгнэлт үйлдэн шүүхэд шилжүүлжээ.

Тодруулбал, Г.Э (42 настай), Э.А (40 настай) нар нь бүлэглэн НҮБ-ын 1971 оны “Сэтгэцэд нөлөөлөх бодисын тухай” конвенцын I жагсаалтад багтсан, дельта-9 тетрагидроканнабинолын агууламжтай сэтгэцэд нөлөөт бодисыг худалдаалах зорилгоор 2025 оны зургаадугаар сард АНУ-аас захиалан шуудан илгээмжээр улсын хилээр хууль бусаар нэвтрүүлсэн хэрэгт холбогджээ.

• Уг хэрэгт Эрүүгийн хуулийн 20.7 дугаар зүйлийн 3 дахь хэсгийн 3.3-т зааснаар яллах дүгнэлт үйлдэн шүүхэд шилжүүлсэн бөгөөд шүүхээс Г.Э-д долоон жилийн хорих ял, Э.А-д 10 жилийн хорих ял тус тус оногдуулсан байна.

Мөн А.П (24 настай) нь 2025 оны есдүгээр сараас эхлэн “Telegram” аппликейшн ашиглан бусадтай харилцаж, НҮБ-ын 1961 оны “Мансууруулах эмийн тухай” конвенц болон 1971 оны “Сэтгэцэд нөлөөлөх бодисын тухай” конвенцын I жагсаалтад багтсан мансууруулах эм, сэтгэцэд нөлөөт бодисыг бусдад худалдаалах зорилгоор хууль бусаар олж авч, өөрийн гэр болон биедээ хадгалсан хэрэгт холбогдсон байна.

Шүүхээс А.П-г мансууруулах эм, сэтгэцэд нөлөөт бодисыг худалдаалах зорилгоор хууль бусаар олж авч, хадгалсан гэмт хэрэг үйлдсэн гэм буруутайд тооцож, хоёр жил зургаан сарын хугацаагаар хорих ял оногдуулжээ.

Эх сурвалж: УЕПГ

Элсэлтийн шалгалт өнөөдөр /2026.06.25/ орон даяар 10:00 цагаас Түүхийн хичээлээр эхэлнэ. Энэ оны Элсэлтийн шалгалтадд нийт 49,014 шалгуулагч бүртгүүлсэн байна. Бүртгүүлсэн нийт шалгуулагчдын 87 хувь энэ оны төгсөгчид бол 13 хувь нь өмнөх оны төгсөгчид байгаа ажээ. Нийт шалгуулагчдын 53.2 хувь нь нийслэл хотод, 46.8 хувь нь орон нутагт бүртгүүлжээ. Шалгуулагчид Математик, Англи хэл, Нийгэм судлал гэсэн хичээлүүдийг хамгийн их сонгон шалгуулахаар бүртгүүлсэн байна.

2026 оны Элсэлтийн шалгалтад бүртгүүлсэн шалгуулагчид шалгалтын байранд ирэхдээ дараах баримт бичгийг бүрдүүлсэн байна.

Бүртгэлийн хуудас /Таны бүртгэлийн хуудас QR кодоор баталгаажсан байх тул өөрийн бүртгэлийн дугаар, нууц үгээ ашиглан eyesh.eec.mn цахим хаягийн “Шалгуулагчийн булан”-аар нэвтэрч “Бүртгэлийн хуудас” хэсгийг сонгоод “Хэвлэх” хэсэгт дарж хэвлэж авна/

Суудлын хуваарь / Шалгуулагч өөрийн бүртгэлийн дугаар, нууц үгээ ашиглан eyesh.eec.mn цахим хаягийн “Шалгуулагчийн булан”-аар нэвтэрч “Суудлын хуваарь” хэсгийг сонгоод “Хэвлэх” хэсэгт дарж хэвлэж авна/

Иргэний үнэмлэх болон түүнтэй дүйцэхүйц баримт бичиг, бүрэн дунд боловсрол болон түүнээс дээш боловсрол эзэмшсэнийг гэрчлэх баримт бичиг зэргийг авч очно.

Шалгуулагчид шалгалтын хуваарьт заасан цагаас нэг цагийн өмнө шалгалтын байранд ирсэн байх ба анги, танхимд 10 минутын өмнө суудлаа эзэлсэн байхыг Боловсролын үнэлгээний төвөөс анхааруулав.

“Ажил, амралтын цагийн зохицуулалтын тухай” тогтоолын төслийг Засгийн газрын хуралдаанаар хэлэлцэж, долоодугаар сарын 16, 17-ны Пүрэв, Баасан гарагийн ажлын өдрийг амралтын өдөрт шилжүүлэх төлөвлөгөөг дэмжлээ.
Ингэснээр хуульд заасан бүх нийтээр амрах өдрүүд болох долоодугаар сарын 10-15-ны өдрүүд дээр 16, 17-ны өдрүүд нэмэгдэж, ирэх сарын 20 хүртэл ажилтан, албан хаагчдын амралт үргэлжлэхээр болж байна.

Өнгөрсөн онд Улсын баяр наадмын үеэр ЗГ мөн ижил зохицуулалт хийж, 2025 оны долоодугаар сарын 16, 17-ны Лхагва, Пүрэв гаргийг амралтын өдөр болгохоор шийдвэрлэж байсан юм.

Онцлох валютуудын ханшийн хөдөлгөөн:

• Ам.доллар (USD): Сарын дундаж ханш 3,576.05 ₮ (Өмнөх оны мөн үеэс 3.29 төгрөгөөр суларсан).
• Евро (EUR): Европын нэгдсэн валют болох еврогийн төгрөгтэй харьцах сарын дундаж ханш 4,175.5 төгрөгт хүрч, чангарах хөдөлгөөн үзүүлэв.

Нөхцөл байдал: Гадаад худалдааны тэнцэл болон дотоодын зах зээл дэх валютын эрэлт, нийлүүлэлтээс шалтгаалан төгрөгийн ханш голлох валютуудын эсрэг сул хэвээр байгаа нь импортын бараа бүтээгдэхүүний үнэд шууд болон шууд бусаар нөлөөлөх хүлээлтийг үүсгэж байна. Монголбанкны зүгээс гадаад валютын албан нөөцийг тогтвортой түвшинд хадгалах бодлогыг үргэлжлүүлэн хэрэгжүүлж байгаа юм.

Түрүүлж унш. Түрүүлж мэд. | PrimeNews Дижитал мэдээллийн хариуцлагатай суваг — primenews.mn

ААН-үүдийг дараах шалгуур үзүүлэлтүүдээр эрэмбэлэн шалгаруулдаг:

• Борлуулалтын орлого
• Төлсөн татварын дүн
• Даатгуулагчийн тоо
• Ашгийн хэмжээ
• Хөрөнгийн хэмжээ

2025 оны ТОП-100 аж ахуйн нэгжийн жагсаалтыг “Оюу Толгой ХХК” тэргүүллээ. Ингэснээр тус компани дөрөв дэх жилдээ дараалан жагсаалтын нэгдүгээр байрт эрэмбэлэгдэж байна.

Энэ жилийн шалгаруулалтаар “Оюу Толгой ХХК” ашгийн үзүүлэлтээр мөн нэгдүгээр байрт шалгарсан нь онцлог байв. Харин өмнөх буюу 2022-2024 оны ТОП-100 жагсаалтад тус компани ашгийн үзүүлэлтээр 100 дугаар байрт эрэмбэлэгдэж байсан юм.

2025 онд Монгол улсын ТОП-100 аж ахуйн нэгжүүд нийт 65.7 их наяд төгрөгийн борлуулалтын орлого, 8.04 их наяд төгрөгийн татвар төвлөрүүлэлт, 7.76 их наяд төгрөгийн ашигтай ажилласан байна. Мөн эдгээр байгууллагууд нийт 29.3 их наяд төгрөгийн хөрөнгөтэй ба 84.7 мянган хүн ажиллаж байна гэж мэдээллээ.

Халуун уур ба гялгар уутны аюултай урвал

Гялгар уутанд полиэтилен гэх бодис байдаг. Энэ нь өндөр хэмийн халуунд хүнсний бүтээгдэхүүнтэй урвалд орж, дараах хорт бодисуудыг ялгаруулдаг аж:

• Формальдегид
• Бензол
• Толуол

Анхаар: Дээрх органик уусгагчид нь хүнсэнд шууд шингэж, улмаар элэгний хорт хавдар, ходоодны шархлаа үүсгэх гол нөхцөлийг бүрдүүлдэг байна. Товчхондоо, гялгар уут нь зөвхөн савлах үүрэгтэй бөгөөд хуванцар шиг халуунд хэрэглэж болохгүй материал юм.

МХЕГ-ын Төв лабораторийн аймшигт дүн

Хуучин МХЕГ-ын төв лабораторид хийсэн шинжилгээгээр жигнүүр дээр дэвсэх зориулалтаар худалдаалагдаж буй гялгар уутнуудаас дараах аймшигт дүн гарчээ:

Зориулалтын цаас гэх бүтээгдэхүүн хүртэл яг үнэндээ гялгар ууттай адилхан хуванцар материалтай байдаг тул нянгийн бохирдол үүсгэх эрсдэл маш өндөр байна.

Хамгийн зөв бөгөөд эрүүл шийдэл юу вэ?

Үүний оронд хамгийн зөв бөгөөд уламжлалт арга бол жигнүүрээ тослох юм.

Тос нь өөрөө гадаргуугийн идэвхт бодис тул буузыг огт наалдуулахгүй. Тиймээс гялгар уут, элдэв цааснаас татгалзаж, жигнүүрээ зөвхөн гоё тослоод буузаа жигнэхийг PrimeNews-ийн зүгээс зөвлөж байна. Эрүүл мэндээ эрсдэлд битгий оруулаарай!

1.Хичээлийн хуваарь гаргах  Яг л өдөр бүр унтаж, өдөр бүр иддэг шиг өдөр бүр зөвхөн хичээлээ хийх цаг гаргаж, төлөвлөж, төлөвлөгөөнийхөө дагуу хичээлээ хийгээрэй. Тухайн хичээл болон сэдвээс хамааран ямар хичээлд, хэр их цаг гаргах нь ялгаатай байна. Ойролцоогоор өдөрт 2 цагийг хичээл хийхэд зарцуулаарай. 2. Өдөр бүр тогтсон газартаа, тогтсон цагтаа  Анхаарлаа төвлөрүүлэхэд бэрхшээлтэй, хэцүү байвал хичээл хийх орчноо тохируулах хэрэгтэй. Хичээл хийх орчин нь дуу чимээ багатай, сатааруулагч зүйлсээс аль болох хол байх хэрэгтэй. Мөн өдөр бүр нэгэн адил газартаа, нэг цагт сууж хичээлээ хийх нь анхаарал төвлөрөлтөд чухал нөлөөтэйгөөс гадна хичээл хийхийг дадал болгоход онцгой үүрэгтэй. 3. Хичээлээ хийхдээ өөрт хэрэгтэй бүх хэрэглэгдэхүүнийг ойр тавих  Хичээлээ “тогтвортой”, ямар нэг завсарлагагүйгээр, анхаарлаа бүрэн төвлөрүүлж хийхийн тулд ширээн дээрээ хэрэг болж магадгүй бүх зүйлсээ бэлтгэ. Жишээ нь үзэг, харандаа, тооны машин, ус, хөнгөхөн идэх юм гэх мэт. Үүний давуу тал нь хичээлээ ямар нэг сатаарвал, завсарлагагүйгээр хийхэд тусална. 4. Ямар нэг урам зориг, шалтгаан бүү хүлээ Даалгавар, хичээлээ хийхдээ хиймээр санагдах мэдрэмж төрүүлэх урам зориг, шалтгаан бүү хүлээ. Чи шүдээ угааж, хоолоо идэхдээ ямар нэг урам зориг, мотиваци хайдаггүй шүү дээ. Үүнтэй адил өдөр бүр “зөв” цаг мөчийг хүлээлгүй хичээлээ хий. 5. Чухал зүйлсийг тэмдэглэж авах дэвтэр Эмх цэгцтэй байх нь дүнгээ сайжруулахтай мөн л холбоотой. Хэрэгтэй үед хичээлийн тухай чухал мэдээлэл, материалаа хаанаас олохоо мэдэж байх тусгай дэвтэртэй бай.

Давуу тал:

• Хичээл бүрд тусгайлан бие даалт, даалгавар зэргийг бичих хэсэг гаргах
• Чухал өдрүүдийг тэмдэглэх хэрэгтэй. Жишээ нь бие даалт хураалгах өдөр, календарь гаргах
• Тухайн дэвтэртээ бие даалт, даалгавруудыг зарлагдмагц бичиж авч байх

6. Даалгавар бие даалтуудыг нэг бүрчлэн тэмдэглэх

Дэвтэрт даалгавар, бие даалтын жижиг гэлтгүй бүх шаардлагатай, деталь бүрийг хугацаатай нь хамт тэмдэглэх нь мартахаас сэргийлэх болон даалгавраа цагт нь хийхэд нэн хэрэгтэй. 7. Боломжит цагийг ашиглаж байх Гэр лүүгээ харих, сургууль руу явах, оочирлох зэрэг заавал бүрэн анхаарал шаардахгүй цагуудыг флашкарт ашиглаж, хичээлээ хийхэд ашиглаарай.

8. Тэмдэглэл хөтлөх Хичээл дундуур багшийн чухалчлан хэлсэн мэдээлэл эсвэл сурах бичгээ уншиж, даалгавраа хийж байхдаа олж авч буй мэдээллээ өөрт ойлгомжтой байдлаар тэмдэглэж авах хэрэгтэй. Үр дүнд нь шалгалтын өмнөх өдөр номоо уншиж суухын оронд өөрийн хялбарчилсан, ойлгомжтой мэдээллийг эргүүлэн харахад болно. 9. “Илүү сурах” нь ой тогтоолтыг сайжруулна Удаан хугацааны туршид сурсан зүйлсээ мартахгүйн тулд “илүү их сурах” нь гол түлхүүр гэж судлаачид үздэг. Тухайн олж авсан мэдээллээ аль болох олон аргаар хувиргаж, бичиж, тэмдэглэж, давтах нь илүү үр дүнэтэй. 10. Тогтмол давтах  Шинээр сурсан зүйлээ ахин эргэж харж давтахгүй бол 14 хоногийн дотор тухайн мэдээллийн 80 хувийг мартдаг. Иймд сурсан зүйлээ тогтмол харж давтаж байх нь урт хугацааны ой санамжид нөлөөлнө.